Euskal blogintzaren harira

Aurtengo urtarrilean Azkue Fundazioak eta Argiak Blogetan! Euskal Blogariak lehian lehiaketaren bigarren edizioari hasiera eman genion. Lehiaketa honen helburua, berriz ere, euskarazko blogak zabaldu, sustatu, ezagutarazi eta, bide batez, zenbat blog dauden euskaraz, zein gai lantzen dituzten eta beste hainbat detaileei buruzko azterketa egitea izan da.

Zaila izan da 12 blog finalisten artean erabakia hartzea. Epaimahaiak lan gogorra izan du, baina erabakia hartuta, hauek dira aurtengo edizioko blog irabazleak. Zorionak egileei!

Zeintzuk diren jakin nahi duzu?

Iparraldeko neska, Berbaratza, Ikusi makusi…zer ikusi?, Etzi pm bloga, Baloreak baloratzen, Hitzak airean, Taxoareko Hitza, Game Erauntsia, Kaixomaitia, ​Iparra, Sarean, Naturzalia dira Blogetan! Euskal blogariak lehian lehiaketaren bigarren edizioko blog finalistak!

Azkue Fundazioak euskal blogintzaren inguruko inkesta bat aurkeztu du

Azkue Fundazioak euskal blogintzaren egoeraren azterketa egin du eta, azken urtetan alor honetan ikerketa edo analisi sakonik egin ez dela ohartuta, euskal blogintzaren inguruko inkesta publikoa sortu du. Edonork bete dezakeen inkesta da eta horren helburua, euskarazko blogen inguruko datu baliagarriak lortzea da: kopurua, nola kudeatzen diren, zein baliabide erabiltzen dituzten, etab. Inkesta honen emaitzak publikoak izango dira eta Azkue Fundazioak partekatu egingo ditu.