blogak

Beranduegi

Hernanin Belen Estebanen panpin bat erreko dute San Juan suan, Altsasuk kendu dien protagonismoa berreskuratu nahian

Hernaniko Udalak kexa formala aurkeztu die Espainiako komunikabideei, azken urteetan Gipuzkoako herri horri buruz apenas hitz egiten dutelako eta aldiz, ia egunero Altsasuri buruzko albiste edo erreportajeren bat publikatzen dutelako. “Dena ez da Altsasu” izeneko idatziaren kopia bat eskuratu ahal izan du Beranduegik eta dokumentu horretan irakurtzen denez, hernaniar asko “minduta” daude egunkari eta telebista espainiarren abandonuarekin. “Hainbeste urtetan gure herrira etorri eta elkarrekin bizi izan ditugun momentu ederren ondoren, Altsasuko taberna batean gertatutako kontu batengatik gu horrela botata uztea ez zaigu zilegi iruditzen”, adierazi du Hernaniko Udalak. Arreta mediatikoa berreskuratzeko ekimenak ere iragarri ditu Hernanik, besteak beste, San Juan suan Belen Estebanen itxurako panpin bat erretzea. “Espero dugu horrekin lortuko dugula berriz etortzea”, adierazi du Garin tabernako barran dagoen herritar batek.

jatorrizkoa ikusi

2013-2018
Blogetan! Blog izarren bila

AZKUE FUNDAZIOA
Agoitz plaza 1, 48015 Bilbo, Bizkaia
Tel. 94 402 80 81 - Faxa. 94 405 24 07