blogak

Beranduegi

Donostiar bati patatekoa eman dio, lau t’erdiko finalean nor animatu eta nor iraindu ez zekielako

Gipuzkoarra da Jokin Altuna, eta horregatik hark irabaztea nahi zuen Jexuxmai Odriozola donostiarrak. Baina Altuna Athletic-zalea da, eta horregatik nahi zuen hark galtzea. Ezkurdia berriz nafarra da; ez da bizkaitarra izatea bezain txarra, baina ezta gipuzkoarra izatea bezain ona ere, eta horregatik hark galtzea nahi zuen Imazek. Baina Ezkurdia realzalea da, eta horregatik nahi zuen hark irabaztea. Partida osoan majo sufritu zuen Odriozolak, pilotari batek tantoa egitean ez zekielako txalo jo ala txistu egin. Saiatu zen Diario Vascon bere trantzetik aterako zuen informazioa topatzen, baina alferrik, kiroletako lehen orrialdean Altunaren jatorriari gorazarre egiten zioten, baina hurrengoan Athletic-en aurka egiten zuten sutsuki. Geroz eta urduriago, hamaikagarren tantorako frontoiko tabernan biba eta biraoka zen Odriozola, azala horitzen hasi zitzaion arte, bost euroko gilda eztarrian trabatuta. Ospitalera eraman zuten eta han da oraindik.

jatorrizkoa ikusi

2013-2019
Blogetan! Blog izarren bila

AZKUE FUNDAZIOA
Agoitz plaza 1, 48015 Bilbo, Bizkaia
Tel. 94 402 80 81 - Faxa. 94 405 24 07